Urubyiruko rwaturutse mu mirenge 14 igize Akarere rugera kuri 150 ruri mu nteko rusange mu karere ka Gatsibo rwasangijwe amahirwe rufite yo kwihangira imirimo kubufatanye na BDF ibafasha kubona ingwate dore ko urubyiruko rwinshi ruba nta ngwate rufite.

Urubyiruko rwitabiriye inteko rusange rwibumbiye mu nama y’Igihugu y’urubyiruko, urubyiruko rw’abakorerabushake,ba rwiyemezamirimo b’urubyiruko n’urubyiruko ruhagarariye amakoperative akorera mu karere.

Ntagungira Emmanuel,uhagarariye ikigega BDF mu Karere ka Gatsibo yabwiye urubyiruko rugera kuri 150 ko hari amahirwe yo  kubona 75% by’ingwate ku rubyiruko rushobora kugira imishinga myiza.

Muri iyi nteko, urubyiruko rwahawe ibiganiro bitandukanye birimo: amahirwe rufite mu kwihangira imirimo, ibibazo bibangamiye abaturage (Human Security Issues) bahabwa n’impanuro zitandukanye zirimo kurwanya ibiyobyabwenge n’inda ziterwa abana b’abangavu.

Umuyobozi w’Akarere ka Gatsibo Gasana Richard yashishikarije urubyiruko guhora rukora neza imirimo rushinzwe kugirango iyo neza bazayikomezanye imirimo ikomeye ibategereje imbere igamije guteza imbere Igihugu.

Gasana Richard, Umuyobozi w’Akarere ka Gatsibo yasabye urubyiruko guhuriza hamwe imbaraga n’ubuyobozi bw’Akarere kurandura burundu ikibazo cy’abana bata ishuri, kurwanya imirire mibi, isuku nke mu miryango,

Inama y’Igihugu y’urubyiruko kubufatanye n’ibindi byiciro by’urubyiruko bafashije urubyiruko rufite ubumuga n’abafite ibibazo byihariye babaha amatungo magufi (ihene 14) mu rwego rwo kwivana mu bukene.