Minisiteri y’ubuhinzi n’ubworozi(Minagri) ifatanyije na KOICA ibinyujije mu mushinga wa RCSP(Rural Community Support Project) yafashije abahinzi bakorera mu makoperative kuzamura umusaruro wabo ku gihembwe.

Ibi byavuzwe n’abahinzi kuri uyu wa Kane taliki ya 18 Nyakanga 2019 mu Karere ka Gatsibo mu Murenge wa Rugarama (Corpriz Ntende) habereye igikorwa cyo guhemba abahinzi bitwaye neza mu gihembwe cy'ihinga cya 2019A kurusha abandi.

Iki gikorwa cyakozwe kubufatanye na KOICA ifasha abahinzi bibumbiye mu makoperative ibinyujije mu mushinga wa RCSP(Rural Community Support Project)

Lee Byunghwa, Umuyobozi wa KOICA mu Rwanda yavuze ko Igihugu cya Korea y'epfo kizakomeza gufatanya n'uRwanda mu bikorwa bitandukanye birimo no gufasha abahinzi mu rwego rwo gukomeza kuzamura umwuga w'ubuhinzi.

Umuyobozi w'Akarere ka Gatsibo Gatsibo wungirije ushinzwe iterambere ry'Ubukungu Manzi Theogene wari umushyitsi mukuru muri iki gikorwa,yasabye abahinzi gufata no gukoresha neza ibikoresho by'ubuhinzi bahawe bikanabafasha kuzamura umwuga w'ubuhinzi bakora

Mu bihembo byahawe abahinzi birimo:Ingorofani,amagare,amasuka,bote n'ibindi.Hahembwe amwe mu makoperative yo mu Karere ka Gatsibo,Kayonza na Gicumbi yahize ayandi mu kuzamura umusaruro.