Mu Karere ka Gatsibo hatangijwe ku mugaragaro gahunda yo kuremera no gutanga iyabo muri gahunda yo kwimakaza ubumwe n'Ubwiyunge

Iki gikorwa cyateguwe n'Akarere ka Gatsibo k’ubufatanye n'amadini n'amatorero akorera mu Karere, igikorwa kikaba cyakorewe mu Murenge wa Gatsibo mu kagari ka Gatsibo kuri uyu wa gatatu taliki ya 8 Mutarama 2020

Abayoboke b'idini ya isilamu mu murenge wa Gatsibo bahaye iyabo abaturage batishoboye bari mu kiciro cya mbere cy'ubudehe babarizwa mu Itorero rya EAR mu Murenge wa Gatsibo

Iyabo yari igizwe n'ibishyimbo,ubunyobwa, Umuceri,isabune,amabafu bifite agaciro ka amafaranga y'uRwanda asaga ibihumbi 200.

Mugabo Juma,umuyobozi wungirije w'idini ya Isilamu mu Karere ka Gatsibo yavuze ko kubufatanye n'andi madini n'amatorero bazakomeza gufatanya leta mu bikorwa bitandukanye biteza imbere umuturage

Umuyobozi w'Akarere ka Gatsibo Gasana Richard yashimye ubufatanye bw'amadini n'amatorero akorera mu Karere ka Gatsibo kuko bafatanya na Leta mu iterambere n'imibereho by'abaturage

Igikorwa cyo guha iyabo abaturage batishoboye,cyasojwe n'umukino w'umupira w'amaguru wahuje urubyiruko rw'idini ya Isilamu n'itorero rwa ADEPR mu rwego rwo gusabana,Mu karere ka Gatsibo habarurwa amadini n’amatorero  agera kuri 32 arimo insengero 462