Inama idasanzwe y’Inama Njyanama y’Akarere ka Gatsibo yemeje ingengo y’imari ya miriyari zisaga 30 z’amafaranga y’uRwanda izakoreshwa mu bikorwa bitandukanye by’iterambere n’imibereho myiza y’abaturage mu mwaka wa 2022/2023

Iyi nama yari iyobowe na Perezida w’Inama Njyanama y’Akarere ka Gatsibo Sibomana Saidi kuri uyu wa 30/6/2022 aho yagaragaje ko ubu bwiyongere bw’ingengo y’imari bugaragaza kongera ibikorwa biteza imbere abaturage,kubaka ibikorwaremezo birimo imihanda,amashanyarazi,amazi,gufasha abatishoboye n’ibindi

Ingengo y'imari ya 2022/2023 ingana na Miriyari 30,993,748,566Frw ivuye kuri 26,446,701,677 yo muri 2021/2022.Hiyongereyeho Miriyari 4,547,046,889 z’amafaranga y’uRwanda

Mu mwaka w'ingengo y'imari ya 2022/2023,mu karere ka Gatsibo hazakusanwa imisoro y’imbere mu karere ingana na miriyari 1,676,711,667 y’amafaranga y’uRwanda ivuye kuri 1,524,286,334 muri 2021/2022.Haziyongeraho Miriyoni 152,425,333Frw bingana na 10%

Gasana Richard,Umuyobozi w’Akarere ka Gatsibo yavuze ingengo y’imari y’uyu mwaka wa 2022/2023 ahanini izibanda mu kuzamura iterambere n’ imibereho myiza by’abaturage bongerwa ibikorwaremezo aho bitari byagera birimo amazi,amashanyarazi n’ibindi.