Taliki ya 24 Ugushyingo 2021,Mu Karere ka Gatsibo hasuwe ibikorwa byakozwe n'Umushinga RCSP mu gishanga cya Kanyonyomba 1 gifite ubuso bwa hegitari 110 zihingwaho umuceri n'ibigori. Hasuwe kandi ahakozwe amaterasi y'indinganire ku buso bwa hegitari 50 ziri imusozi zihingwaho ibigori bisimburana n'ibishyimbo.

Igishanga cya Kanyonyomba 1 gikora ku mirenge 4 y'Akarere ka Gatsibo irimo Rugarama,Remera, Muhura na Kiziguro

CAPRORI ni Koperative  ikorera mu gishanga cya Kanyonyomba 1 ifite abanyamuryango 1226 bamaze kwishyura umugabane shingiro.

Ibikorwa byo gutunganya igishanga cya Kanyonyomba 1 muri 2014 Ukuboza bikazasozwa mu Ukuboza 2021.

Amafaranga y'uRwanda asaga Miriyari imwe niyo yakoreshejwe mu gutunganya igishanga cya Kanyonyomba 1 n'ibindi bikorwa bijyanye n'iterambere ry'abaturage.

Ku ruhande rwa KOICA yari ihagarariwe n'Umuyobozi wungirije muri Ambasade ya Korea yepfo  Jongyun Choi naho kuruhande rwa Minisiteri y'Ubuhinzi n'Ubworozi ni Bucyana Benjamin barikumwe n'Umunyamabanga Nshingwabikorwa w'Akarere ka Gatsibo Madamu Nankunda Jolly.

Kwizera Jean Baptiste yavuze ko mbere bagihinga ibigori mu gishanga cya Kanyonyomba ya mbere ntibabone inyungu ariko ubu bahingamo umuceri bakabona inyungu n'isoko ku giciro cyiza.

Abaturage bahinga umuceri mu gishanga cya Kanyonyomba ya mbere bahamya ko kuri kuri Ali(Area) 5 ku muceri hasarurwaho ibiro 400 naho ku bigori hagasurwaho ibiro 100,bagahamya ko umuceri ufite inyungu nyinshi kuruta ibigori.

Ntawuruhunga Fulgence utuye mu murenge wa Remera mu Karere ka Gatsibo yavuze ko mbere bahingaga ibigori mu gishanga imvura yagwa bikarengerwa ariko igishanga cyarakozwe niyo imvura yagwa umuceri ntiwakwangirika bityo bakabona umusaruro bifuza.