Abaturage bagera kuri 788 bahagarariye abandi kuva ku rwego rw’umudugudu,utugari,imirenge n’Akarere bitabiriye inama ya komite mpuzabikorwa y’Akarere ka Gatsibo yabaye kuri uyu wa 28 mutarama 2020

Iyi nama yari ifite insanganyamatsiko igiriti ‘:Wisigara,wivunisha abandi cyangwa ngo urebere ‘’Tujyane twese mu mihigo’’.

Guverineri w’Intara y’iburasirazuba Mufulukye Fred arikumwe n’inama y’umutekano itaguye y’intara y’Iburasirazuba,intumwa za rubanda imitwe yombi n’abahagarariye amadini n’amatorero bitabiriye inama mpuzabikorwa y’Akarere ka Gatsibo

Pastor Dr.Antoine Rutayisire,Umuyobozi mu itorero rya angilican muri  paruwasi ya Remera mu mujyi wa Kigali yasangije abitabiriye inama ya komite mpuzabikorwa ikiganiro ku miyoborere mpinduramatwara mu kwesa imihigo,yavuze ko umuyobozi uzi neza icyo abo ayoboye bakeneye azana impinduka mu miyoborere.

Mu bundi butumwa bwatanzwe burimo uruhare rw’umutekano mu iterambere ry’abaturage.Umuyobozi w’ingabo mu turere twa Bugesera,Ngoma na Kirehe Brig.Gen Johnson Hodari yavuze ko utagera ku iterambere n’imibereho myiza y’abaturage udafite umutekano asaba abaturage gufatanya n’ubuyobozi kugirango habeho umutekano utajegajega.

Muri iyi nama,Bishop Alexis Birindabagabo wahoze ayobora Diosezi ya Gahini yavuze ko kubera ubufatanye bw’inzego zitandukanye hafashwe ingamba zo kurwanya ikoreshwa,ikwirakwiza n’icuruzwa ry’ibiyobyabwenge mu rubyiruko n’abaturage muri rusange.

Guverineri w’Intara y’Iburasirazuba Mufulukye Fred yagarutse ku bikorwa by’iterambere Umukuru w’igihugu yagejeje ku baturage b’Akarere ka Gatsibo birimo imihanda,amashanyarazi,amazi,gahunda ya girinka n’izindi gahunda zizamura imibereho myiza y’abaturage.

Mufulukye Fred,Guverineri w’Intara y’Iburasirazuba yakanguriye inzego z’ubuyobozi n’abaturage gufatanya no kujyanamo muri gahunda ya ’’Tujyane twese mu mihigo’’ ,kurandura ibiyobyabwenge,isuku,guca akarengane mu mitangire ya serivise,kugira ingo mbonezamikurire,kuvugurura inzuri no gufata neza umusaruro w’imyaka.