Polisi y’uRwanda yashyikirije abaturage bo mu karere ka Gatsibo ibikorwa by’iterambere bizabafasha kuzamura imibereho yabo birimo ubwogero bw’inka 3 bwubatswe mu murenge wa Rwimbogo na1 mu kagari ka Ndatemwa mu murenge wa Kiziguro,inzu yubakiwe umuturage utishoboye hatangwa n’amashanyarazi akomoka ku mirasire y’izuba ku baturage 297.

Ibi bikorwa byatashywe kuri uyu wa Kabiri taliki ya 28 Ukuboza 2021 ubwo Guverineri w’Intara y’Iburasirazuba CG Emmanuel K Gasana arikumwe n’inzego za Polisi y’uRwanda n’Akarere ka Gatsibo.

Ibikorwa byashyikirijwe abaturage birimo ubwogero bw'inka (Spray race) 4,inzu yubakiwe umuturage utishoboye n'amashyanyarazi y'imirasire y'izuba 297 yahawe abaturage.

Umuhango wo gutaha ibikorwa bya Polisi witabiriwe na Guverineri w'Intara y'Iburasirazuba CG Emmanuel K Gasana arikumwe n'inzego nkuru za Polisi y'uRwanda n'Ubuyobozi bw'Akarere.

Ukwezi kwahariwe ibikorwa bya Polisi y'uRwanda kwari gifite insanganyamatsiko igira iti "Imyaka 21 y’ubufatanye mu bikorwa byo kubungabunga umutekano no guteza imbere imibereho myiza y’abaturage”.

Ibikorwa byashyikirijwe abaturage birimo ubwogero bw'inka 4, imirasire y'izuba 297 n'inzu yubakiwe umuturage utishoboye bifite agaciro gasaga Miriyoni 50 z'amafaranga y'uRwanda.