Kuri uyu wa Mbere taliki ya 5 Ukuboza 2022, mu mirenge 14 igize Akarere ka Gatsibo hizihijwe umunsi mpuzamahanga w'ubwitange n'Ubukorerabushake aho ku rwego rw'Akarere wizihirijwe mu murenge wa Remera ku nsanganyamatsiko "Ubufatanye dukesha ubwitange n'Ubukorerabushake".

Umushyitsi mukuru muri uyu muhango yari Umuyobozi w'Akarere Wungirije Ushinzwe Iterambere ry'Ubukungu Sekanyange Jean Leonard ari kumwe n'Umuyobozi w'Akarere Wungirije ushinzwe Imibereho Myiza Mukamana Marceline hamwe n'inzego z'Umutekano ku Karere.

Umunsi w’Ubwitange n’ubukorerabushake waranzwe n’akarasisi k’ibyiciro bitandukanye bikorera ubushake,imbyino n’ubuhamya bwa bamwe mu byiciro bitandukanye bikorera ubushake.

Umuyobozi w’Akarere wungirije ushinzwe iterambere ry’ubukungu yashimiye uruhare rw’ibyiciro bitandukanye bikorera ubushake bigamije kuzamura iterambere n’imibereho myiza y’abaturage.

Kuva mu mwaka wa 2023, uRwanda rwifatanya n’isi yose buri mwaka ku itariki ya 5 Ukuboza 2022 kwizihiza umunsi mpuzamahanga w’ubwitange n’ubukoreabushake washyizweho n’inteko rusange y’umuryango w’Abibumbye mu cyemezo nomero 40/2012 cyo kuwa 17 ukuboza 1985. Uyu munsi ushimangirwa n’itegeko Nshing RYA Repubulika y’uRwanda ryo muri 2003 nkuko ryavuguruwe  muri 2015.

Ku munsi wo kwizihiza uyu munsi,habayeho igikorwa cyo kuremera abatishoboye no gushimira ibyiciro bitandukanye by’ubwitange n’Ubukorerabushake.