Minisitiri w'ibikorwa by'Ubutabazi Madamu Kayisire Marie Solange arikumwe na Guverineri w'Intara y'Iburasirazuba CG Emmanuel K Gasana n'Ubuyobozi bw'Akarere basuye ibikorwa by'umushinga Jya Mbere uterwa inkunga na Banki y'isi ibinyujije muri Minisiteri y'ibikorwa by'Ubutabazi kuri uyu wa gatanu taliki ya 29 Ukwakira 2021.

Jya mbere project ni Umushinga ushinzwe guteza imbere imibereho myiza y'impunzi n'abanyarwanda bazakiriye.Bimwe mu bikorwa birimo kugezwa ku mpunzi zifatanyamo n'abaturage ni ibyumba by'Amashuri 63 n'ubwiherero 72 birimo kubakwa kuri TVET Gituza,GS Nyabicwamba,GS Nyarubuye,ishuri ribanza rya Mukarange,Karubungo na Nyarurambi.

Ibyumba by'Amashuri 63 n'ubwiherero 72 bizuzura bitwaye amafaranga y'uRwanda Miriyoni 981,466,195Frw, biteganyijwe ko bizuzura muri Mutarama 2022.

Uruzinduko rwa Minisitiri w'ibikorwa by'Ubutabazi rwitabiriwe na Guverineri w'Intara y'Iburasirazuba, Umuyobozi wa Police mu Ntara y'Iburasirazuba CP Emmanuel Hatari n'Umuyobozi w'Agateganyo w'Akarere ka Gatsibo Madamu Nankunda Jolly.

Umuyobozi w’Agateganyo w’Akarere ka Gatsibo Nankunda Jolly yavuze ko ibikorwa biterwa inkunga na Jya mbere birimo ibyumba by’amashuri n’ubwiherero bizakomeza gukurikiranwa n’Akarere kugirango byuzure vuba kandi bitangire kubyazwa umusaruro bigabanya ubucucike mu mashuri n’ingendo ndende ku banyeshuri.