Ubwo hizihizwaga umunsi w’Umuganura taliki ya 1 Kanama 2025, wwari umunsi mwiza wo gusangira umusaruro wagezweho n’abaturage ndetse abatarejeje bagafashawa na bagenzi babo babarushije kubona umusaruro.

Umuganura w’uyu mwaka wa 2025, wari ufite insanganyamatsiko igira igi: ‘’Umuganura, isoko y’Ubumwe n’ishingiro ryo kwigira’’, ku rwego rw’Akarere ka Gatsibo wizihirijwe mu Murenge wa Remera mu Kagari ka Nyagakombe.

Kuri uyu munsi w’Umuganura, Umuyobozi w’Akarere ka Gatsibo Gasana Richard arikumwe n’izindi nzego batashye ku mugaragaro ibiro by’Akagari ka Nyagakombe kasanywe n’abaturage mu rwego rwo gutangira serivise ahantu heza hagamijwe gushyira umuturage ku isonga.

Gasana Richard, Umuyobozi w’Akarere ka Gatsibo yasabye abaturage kuba abafatanyabikorwa mu kurinda ibyagezweho bibumbatiwe n’Umutekano, ibikorwaremezo birimo: Imihanda, amashanyarazi n’amazi byagejejwe ku baturage.

Uyu munsi waranzwe n’imbyino gakondo zisingiza umuco Nyarwanda, imivugo, kumurika ibyagezweho mu musaruro wabonetsendetse n’igikorwa cyo guha abana amata nk’ikimenyetso cyo kubarinda igwingira rituruka ku mirire mibi.