Ubuyobozi bw’Akarere ka Gatsibo bwiyemeje gukomeza ubufatanye bwo kwita ku mibereho myiza y’abahoze ari abasirikare batuye mu Karere ka Gatsibo.

Ni ubutumwa bwatanzwe n’Umuyobozi w’Akarere wungirije ushinzwe iterambere ry’ubukungu Sekanyange Jean Leonard ubwo yakiraga mu biro Jean Marie Vianney Gatabazi, Komiseri muri Komisiyo ishinzwe gusubiza mu buzima busanzwe abahoze ari abasirikare kuri uyu wa Gatatu taliki 10 Nzeri 2025.

Mu byaganiriwe birimo gukomeza ubufatanye busanzwe hagati y’Akarere ka Gatsibo na Komisiyo ishinzwe gusubiza mu buzima busanzwe abahoze ari abasirikare mu rwego rwo gukomeza kubafasha kuzamura iterambere ry’imibereho myiza y’abaturage.

Imwe mu myanzuro yavuye mu biganiro byahuje ubuyobozi bw'Akarere n'ubwa Komisiyo ishinzwe gusubiza mu buzima busanzwe abahoze ari abazirikare:

1. Gufatanya kunoza urutonde rw'abasezerewe mu ngabo;
2. Kureba imibereho y'abo n'amahirwe bahuzwa na yo mu kubafasha kwiteza imbere;
3. Kugirana na bo ibiganiro bibafasha guhindura imyumvire no kwinjira mu buzima busanzwe;
4. Kuba bashakirwa uburyo bwo kubafasha gusura bimwe mu bicumbi by'amateka(Gikoba, Murindi, CND n'ibindi).