Itorero ryo ku rwego rw’umudugudu ritorezwamo abaturage bose batuye muri uwo mudugudu ndetse rikabafasha gukorera hamwe mu rwego rwo kuzamura iterambere n’imibereho myiza y’abaturage

Ibi byavuze kuri uyu wa kabiri  taliki ya 8 Ukwakira 2019,mu nama yahuje Ubuyobozi bw'Akarere na Komisiyo y'itorero ry'igihugu igamije kurebera hamwe uko urugerero ruciye ingando rwa 2018/ 2019 rwagenze, imyiteguro y'urugerero ruciye ingando rwa 2019/2020 n’imikorere y'itorero ryo ku mudugudu

Twiyezeyezu Marie Josee, Komiseri muri Komisiyo y'itorero yavuze ko itorero ryo ku kumudugudu ariho buri munyarwanda atorezwa

Biteganyijwe ko urugerero ruciye ingando rwa 2019/2020 ruzatwara ingengo y'imari ingana na Miriyoni 291,207,734 z'amafaranga y'uRwanda

Muri iyi nama hemejwe ko hazajya hatanga raporo ya buri kwezi y'imikorere y'itorero ryo kumudugudu n'ibigo by'amashuri n'ibindi bikorwa byihariye ,uruhare rw'itorero ryo kumudugudu n'ibigo by'amashuri mu gukemura ibibazo bibangamiye imibereho myiza y'abaturage (HSI),itorero ryo kumudugudu kuba igicumbi cy'umutekano no kuba igisubizo cyo kurwanya no gukemura amakimbirane mu miryango

Umuyobozi w’Akarere ka Gatsibo, Gasana Richard yavuze itorero ryo kumudugudu ritegerejweho kuba igisubizo cy’ibibazo abaturage bahura nabyo mu rwego rwo kwishakamo ibisubizo

Iyi nama yitabiriwe na Biro y'Inama Njyanama y'Akarere,Komite Nyobozi y'Akarere, Komiseri muri Komisiyo y'itorero ry'igihugu, Abayobozi b'ibigo by'amashuri abanza n'ayisumbuye,abakozi bashinzwe imiyoborere myiza ku Mirenge,abashinzwe uburezi n'abanyamabanga Nshingwabikorwa n'utugari