Kuri uyu wa Kabiri taliki ya 29 Nyakanga 2025, Umuyobozi w’Akarere ka Gatsibo yakiriye abakozi b’ikigo cy’Igihugu gishinzwe gukwirakwiza amashanyarazi/ REG baganira ku ngamba zihari yo guha abaturage umuriro w’amashanyarazi.

Muri iyi nama, hemejwe ko muri uyu mwaka w’ingengo y’imari wa 2025/2026, ingo zigera ku bihumbi 35,962 zizahabwa umuriro w’amashanyarazi netse na bimwe mu bigo bitandukanye bitanga serivise.

Hashingiwe ku ibarura rusange ry’abaturage rya 2022, hagaragajwe ko Akarere ka Gatsibo gatuwe n’abaturage 551,164 barimo abagore 286703 n’abagabo 264,461 batuye mu ngo ibihumbi 136,200.

Kugeza ubu, Akarere ka Gatsibo kari ku ijanisha rya 70.2% mu gukwirakwiza umuriro w’amashanyarazi mu baturage aho agera kuri 37.5% ari umuriro w’amashanyarazi usanzwe na 32.7% ukomoka ku mirasire y’izuba.