Abakozi b’Ikigo cy’Igihugu cy’Ibarurishamibare/NISR cyatangiye guzuzuma imihigo cy’Akarere ka Gatsibo yahizwe mu mwaka w’ingengo y’imari wa 2024/2025 harebwa uko yesejwe.

Muri uyu mwaka w’ingengo y’Imari wa 2024/2025, Akarere ka Gatsibo kari kahize imihigo 118 irimo 28 yo mu bukungu, 70 yo mu mibereho myiza na 20 yo mu miyoborere myiza n’ubutabera.

Mu ishusho rusange ry’Imihigo y’Akarere, Gasana Richard Umuyobozi w’Akarere ka Gatsibo yagaragaje ko imihigo y’Akarere y’Umwaka w’ingengo y’imari wa 2024/2025 yesejwe, agaragaza ko yesejwe ku kigereranyo cya 99.1%.

Abaturage b’Akarere ka Gatsibo bagera kuri 71.6% bakora ibikorwa by’ubuhinzi n’ubworozi mu rwego rwo kwiteza imbere n’Igihugu muri rusange.

Mu kugaragaza ishusho rusange, Umuyobozi w’Akarere ka Gatsibo Gasana Richard yavuze ko mu mihigo 118 yahizwe n’Akarere mu mwaka w’ingengo y’imari wa 2024/2025, igera kuri 109 yagezweho ku 100%.

Igikorwa cyo gusuzuma imihigo kizamara iminsi 4 kuva taliki ya 7-10 Nyakanga 2025 gikorwa n’abakozi b’ikigo cy’Igihugu cy’ibarurishamibare/ NISR.