Kuri uyu wa Gatatu taliki ya 5 Ugushyingo 2025, mu cyumba cy’inama cy’Akarere habereye inama yahuje ubuyobozi bw’Akarere n’ibyiciro bitandukanye by’abayobozi igamije kubagezaho imyanzuro yafatiwe mu mwiherero w’abayobozi b’inzego z’ibanze wabereye mu Karere ka Bugesera kuva taliki ya 30 Ukwakira kugeza 2 Ugushyingo 2025.

Iyi nama yayobowe n’Umuyobozi w’Akarere ka Gatsibo Gasana Richard arikumwe n’Umuyobozi w’Akarere wungirije ushinzwe imibereho myiza y’abaturage n’Umunyamabanga Nshingwabikorwa w’Akarere.

Umuyobozi w’Akarere yasabye abayobozi mu byiciro bitandukanye gukora ibikorwa bigamije gushyira umuturage ku isonga, kunoza serivise no kuyitangira ku gihe; ‘’Ndabasaba gushyiraho uburyo bunoze bwo gukemura ibibazo by’abaturage mu bigo muyobora’’.

Iyi nama yitabiriwe n’abayobozi mu nzego zitandukanye barimo: Abanyamabanga Nshingwabikorwa b’Imirenge, abayobozi bakuru b’ibitaro bya Ngarama na Kiziguro, abayobozi b’amashami ku rwego rw’Akarere, abayobozi b’ibigo nderabuzima n’urwego rw’umutekano rwa Dasso.