Umuryango wa Gikirisitu udaharanira inyungu wa Compassion International Rwanda ubinyujije mu matorera ikorana nayo yo mu Karere ka Gatsibo yishyuye amafaranga angana na miriyoni 14 z’amafaranga y’uRwanda azishyurira abaturage batishoboye ubwisungane mu kwivuza. Uyu muryango, ukorana n’amadini n’amatorero ya Gikirisitu agera kuri 18 afasha abanyeshuri kubarihira amafaranga y’ishuri ndetse ugafasha n’imiryango abana bakomokamo.

Mu Karere ka Gatsibo habarurwaba abana 5000 bafashwa n’umuryango Compassion International Rwanda ubinyujije mu madini n’amatorero akorana nawo agera kuri 18, bafashwa kurihirwa amafaranga y’ishuri ndetse n’ibikoresho nkenerwa bitandukanye birimo: Imyambaro y’ishuri, amakaye n’amakaramu, ibiryamirwa ndetse n’ibindi bikoresho bituma umunyeshuri yiga neza.

Usibye gufasha abanyeshuri kwiga, mu Karere ka Gatsibo hari amatsinda zo kuzigama no kugurizanya y’abantu bafashwa n’uyu muryango agera kuri 200 no gukora ibikorwa bitandukanye biteza imbere imiryango.

Muri uyu mwaka w’ingengo y’imari ya 2024/2025, Umuryango wa Compassion International Rwanda wishyuye amafaranga agera kuri miriyoni 14 yo kwishurira imiryango itishoboye ubwisungane mu kwivuza.