Mu Karere ka Gatsibo mu mwaka w’ingengo y’imari wa 2024/2025 hari hateganyijwe kwinjiza imisoro n’amahoro agera kuri Miriyari 1,467,635,721. Kugeza taliki ya 30 Kamena 2025, hari hamaze kwinjira imisoro n’amahoro Miriyari 1,554,692,691 z’amafaranga y’uRwanda bingana na 105.9%.

Ubuyobozi bw’Akarere buvuga ko kuba bwararengeje intego bwari bwihaye mu gukusanya imisoro byatewe n’Ubukangurambaga butandukanye bwakorewe mu baturage bugamije gusobanurira abaturage akamaro k’imisoro mu iterambere ry’Akarere n’Igihugu muri rusange ndetse hakiyongeraho inama zitandukanye z’abakozi bashinzwe imisoro ku rwego rw’Akarere n’Imirenge.

Mu mwaka w’ingengo y’imari wa 2025/2026, Akarere ka Gatsibo gafite intego yo kwinjiza imisoro n’amahoro bingana na Miriyari 1,689,009,917 z’amafaranga y’uRwanda; ugereranyije n’ingengo y’imari ya 2024/2025 hiyongereyeho miriyoni 134,317,226 Frw ku ntego y’umwaka w’ingengo y’imari ya 2024/2025 yari yatowe n’Inama Njyanama y’Akarere.