Umuyobozi w’Akarere ka Gatsibo yahaye ikaze abitabiriye Inama, abashimira ko bahisemo kuyikorera mu Karere ka Gatsibo, ababwira ko Akarere ka Gatsibo ari Akarere keza ko gutemberamo kandi kaberanye n’ishoramari rishingiye ku buhinzi n’ubworozi ndetse ko hari n’andi mahirwe menshi yashorwamo Imari. Akaba yashishikarije abashoramari bari aho kuzaza gushora Imari muri Gatsibo kuko biteguye Kubafasha.

Umuyobozi Wungirije wa RDB afungura Inama yashimiye abitabiriye Inama, abagezaho intashyo z’umuyobozi wa wa RDB, yasobanuye ko iyi iri muri gahunda ya RDB yatangiye mu rwego rw’Ishoramari rishingiye ku bikorera, nkuko biri mu cyerekezo cy’Igihugu 2020. Barifuza kandi gusobanurira abikorera serivise zitangwa na RDB. Yabashimiye kandi ko kuva 2015 kugeza 2017 mu Ntara y’Iburasirazuba hamaze kwandikwa amasosiyete agera 2000.

Bagaragaje kandi amahirwe ari mu Ntara y’Iburasirazuba yashorwamo imari ariyo:

Ubuhinzi n’Ubworozi, uburezi, ubuzima, ubukerarugendo, kongerera agaciro ibikomoka ku buhinzi. Beretswe ko iyi Ntara ifite amahirwe aruta ahandi kuko ikora ku bihugu 3, byakongera isoko.

Abitabiriye Inama bunguranye ibitekerezo babaza ibibazo, bahabwa n’ibisubizo ku buryo burambuye.

Bamwe mu bitabiriye inama

Bamwe mu Bayobozi b'Uturere bitabiriye inama

Emmanuel HATEGEKA, Chief Operating Officer (COO)- Rwanda Development Board - RDB Rwanda, Umwe mu bayoboye inama