Mu mwaka w’ingengo y’imari wa 2024/2025, mu Karere ka Gatsibo hatanzwe amatungo magufi ku baturage batishoboye agera kuri 711 mu rwego rwo kubafasha kwikura mu bukene.

Mu mwaka ushize w’ingengo y’imari, hatanzwe ingurube n’ihene ku baturage batishoboye mu kubafasha kugirango bibafashe kwiteza imbere.

Kugirango umuturage yikure mu bukene, ahabwa ihene 2 cyangwa ingurube 1 ashobora korora mu minsi micye bikamufasha kwikura mu bukene.

Ubuyobozi bw’Akarere ka Gatsibo buvuga ko mu mwaka w’ingengo y’imari wa 2024/2025, bworoje abaturage batishoboye amatungo magufi arimo ingurube 256 n’ihene 455.

Mu rwego rwo gufasha abaturage kwikura mu bukene, buri muryango utishoboye watoranyijwe n’inzego z’ibanze hamwe n’abaturage, buri muryango uhabwa itungo ry’ingurube 1 cyangwa ihene 2.

Abahanga mu by’amatungo bavuga ko ingurube ishobora kubyara inshuro 2 mu mwaka bityo bikaba byafasha umuturage kwikura mu bukene mu gihe gito.