Mu Karere ka Gatsibo kubufatanye n’Ikigo cy’Igihugu gishinzwe guteza imbere amakoperative, RCA hatangiye icyumweru cy’ubukangurambaga ku makoperative bugamije gusobanurira abanyamuryango itegeko rishya ry’amakoperative, imikorere ya byikorere muri CMIS, gutanga ubuzima gatozi no gukemura ibibazo by’amakoperative byananiranye.

Ubu bukangurambaga bwatangiye kuri uyu wa Mbere taliki ya 24 Werurwe 2024, aho bwatangijwe ku mugaragaro na Sekanyange Jean Leonard, Umuyobozi w’Akarere wungirije ushinzwe iterambere ry’ubukungu arikumwe n’intumwa z’ikigo cy’Igihugu gishinzwe guteza imbere amakoperative.

Ubukangurambaga ku itegeko rishya ry’amakoperative buzamara iminsi 4 aho buzakorerwa mu ma zone ya Kabarore, Kiramuruzi, Muhura na Ngarama.

Mu Karere ka Gatsibo habarurwa amakoperative 142 akora neza. Amakoperative yo mu Karere ka Gatsibo akora ibikorwa by’ubuhinzi, ubworozi, ubukorikori na serivise.