Mu Karere ka Gatsibo mu Murenge wa Gatsibo hatangiye gukorwa amaterasi y’indinganire ndetse n’ayikora mu rwego rwo gukumira isuri ishobora kwangiza ubutaka bw’abaturage.

Muri uyu mwaka w’ingengo y’imari wa 2025/2026, biteganyijwe ko mu Karere ka Gatsibo hazakorwa amaterasi y’indinganire kuri hegitari 35 na 30 z’amaterasi y’ikora yose arimo gukorwa mu Murenge wa Gatsibo.

Kugeza ubu, hamaze gukorwa hegitari 5 z’indinganire zatangiye kuba igisubizo ku gukemura ikibazo cy’isuri ishobora gutwara ubutaka bw’abaturage.

Mu mwaka ushize w’ingengo y’imari wa 2024/2025, mu Murenge wa Kageyo hakozwe amaterasi kuri hegitari 47. Izi zabaye igisubizo ku gufata neza ubutaka mu rwego rwo kwirinda isuri.