Mu nteko z’abaturage zo kuri uyu wa Kabiri taliki ya 12 Kanama 2025, mu Mirenge 14 igize Akarere ka Gatsibo hatangijwe icyumweru cyahariwe serivise z’irangamimerere, ku rwego rw’Akarere cyatangirijwe mu Murenge wa Nyagihanga.

Iki cyumweru cyirangamimerere cyatangiye kuva taliki ya 11-15 Kanama 2025, kikazibanda kuri serivise zirangamimerere zirimo kwandika mu bitabo by’irangamimerere abaturage batanditse barimo abavutse, abashyingiwe ndetse n’abitabye Imana. Izi serivise kikorerwa mu Tugari, Imirenge ndetse no mu bigo by’ubuvuzi.

Ubwo yatangizaga icyumweru cy’Irangamimerere, Gasana Richard Umuyobozi w’Akarere ka Gatsibo yakanguriye abaturage kwitabira serivise z’irangamimerere muri iki cyumweru kuko zigiye kubegerezwa kurushaho.

Kwiyandikisha mu bitabo by’irangamimerere bifasha Igihugu mu igenamigambi ry’abaturage kuko rishingira ku mibare.

Raporo yashyizwe ahagaragara na Minisiteri y’Ubutegetsi bw’Igihugu/MINALOC ya 2024/2025 yagaragaje ko Akarere ka Gatsibo kaje ku mwanya wa 26 mu Turere 30 mu gutanga serivise z’Irangamimerere ku baturage.