Mu Karere ka Gatsibo hasojwe icyumweru cyahariwe ingo mbonezamikurire y’abana bato cyatangiye kuva taliki ya 19-22 Mutarama 2026. Muri iki cyumweru hasuye ingo mbonezamikurire hirya no hino mu Karere hagamijwe kureba imikorere yazo, imbogamizi zirimo ndetse no gufata ingamba.

Ubwo hasozwaga icyumweru cyahariwe ingo mboneza mikorere y’abana bato, cyasorejwe mu Murenge wa Murambi mu Kagari ka Rwankuba, abana bato bagaragaje ubumenyi bungukiye mu ngo mbonezamikurire y’abana bato.

Iki gikorwa cyitabiriwe n’Umuyobozi w’Akarere wungirije ushinzwe imibereho myiza y’abaturage Mukamana Marceline arikumwe n’inzego zitandukanye zirimo abafatanyabikorwa b’Akarere bafite inshingano zo guteza imbere umwana.

Kuri uyu munsi, hahembwe ingo mbonezamikurire y’abana bato 4 zakoze ibikorwa by’indashyikirwa kurusha abandi.

Mu Karere ka Gatsibo hari ingo mbonezamikurire y'abana bato 1,624 harimo 1415 zikorera mu ngo, 165 mu bigo by’amashuri, 5 z'icyitegererezo na 39 zegerejwe abaturage. Zifite abana 55,181 n'abarezi bahuguwe bagera ku 5,019.