Mu Karere ka Gatsibo hasojwe amahugurwa ku itegurwa ry’igenamigambi n’ingengo y’imari bishingiye ku ihame ry’uburinganire.

Aya mahugurwa yateguwe n’Ubuyobozi bw’Intara y’Iburasirazuba kubufatanye n’Urwego rushinzwe kugenzura iyubahirizwa ry’ihame ry’uburinganire n’Uturere tugize Intara y’Iburasirazuba.

Ku ikubitiro, aya mahugurwa yahawe abakozi b’Uturere twa Rwamagana, Kayonza na Nyagatare akaba yarabereye ku biro by’Akarere ka Gatsibo yamaze iminsi 2 kuva taliki ya 8-9 Nzeri 2025.

Ubwo hasozwaga aya mahugurwa, Umugenzuzi Mukuru w’Urwego rushinzwe kugenzura iyubahirizwa ry’ihame ry’uburinganire mu Rwanda Madamu Umutoni Nadine yasabye abitabiriye aya mahugurwa kuzajya bafasha ubuyobozi bw’Uturere gutegura igenamigambi rya buri mwaka rishingiye ku ihame ry’uburinganire.

Aya mahugurwa azitabirwa n’abakozi b’Uturere tugize Intara y’Iburasirazuba barimo: Abayobozi bashinzwe igenamigambi, Abakozi bashinzwe gutegura n’ishyirwa mu bikorwa ry’ingengo y’imari, abakozi bashinzwe uburinganire n’iterambere ry’umuryango n’abandi bakozi 2 bagenwa n’Ubuyobozi bw’Akarere.