Mu Karere ka GATSIBO m Murenge wa Murambi mu Kagari ka Rwankuba hagiye kuzura uruganda ruzatunganya amazi meza rurimo kubakwa ku kiyaga cya Muhazi ruzaha amazi meza abaturage bo mu Mirenge 12 y’Akarere ka Gatsibo ndetse n’imwe yo mu Karere ka Kayonza.

Guverineri w’Intara y’Iburasirazuba Pudence Rubingisa ari kumwe n’abagize inama y’umutekano itaguye y’Intara n’Ubuyobozi bw’Akarere basuye uruganda rutunganya amazi rwa muhazi rurimo kubwaka mu Kagari Rwankuba mu Murenge wa Murambi mu rwego rwo gusura aho imirimo igeze.

Kugeza taliki ya 1 Nzeri 2025, imirimo yo kubaka uruganda rutunganya amazi y’ikiyaga cya muhazi rwari rugeze ku ijanisha rya 87.43%. 

Ubuyobozi bw’Akarere ka Gatsibo buvuga ko uru ruganda rutunganya amazi mu kiyaga cya Muhazi nirwuzura ruzaba ari igisubizo cy’ibura ry’amazi ku baturage mu mirenge 12 y’Akarere ka Gatsibo.