None tariki ya 14 Ugushyingo 2017, mu Murenge wa Rugarama, mu Kagari ka Matunguru, hakozwe umuganda udasanzwe wo gutera ibiti; hakaba hatewe ibiti ibihumbi 11,883. Muri ibi biti ibihumbi 5,604 byatewe ku kigo cy'ishuri (G.S) cya Matunguru, ibisigaye abaturage barabijyana bajya kubitera mu mirima yabo. Uyu muganda wakozwe ku bufatanye bw'Akarere ka Gatsibo n'Umuryango udaharanira inyungu (International Union for Conseibindi rvation of Nature). Iki gikorwa kitabiriwe n'urubyiruko rw'abanyeshuri biga mu Rwunge rw'amashuri (Groupe Scolaire) rwa Matunguru bibumbiye mu itsinda (Club) rigamije kurengera ibidukikije; uru rubyiruko rukaba rwari rurangajwe imbere na Uwase Hirwa Honorine, Nyampinga wamamaye nka "Igisabo” nawe wari waje muri uyu muganda udasanzwe.

Uyu muganda kandi witabiriwe n'inzego zishinzwe umutekano (Police, army & DASSO), abaturage n'abakozi bo mu butegetsi bwite bwa Leta; umushyitsi mukuru akaba yari KANTENGWA Mary, Umuyobozi w'Akarere wungiriye ushinzwe imibereho myiza y'abaturage.
Yaba VAAN Jordi waje uhagarariye 'International Union for Conservation of Nature' (IUCN), yaba Umushyitsi mukuru n'abandi bose bafashe ijambo bashimiye abaturage bitabiriye umuganda ku gikorwa kindashyikirwa cyakozwe, hasabwa  ko ibi biti byakomeza kubungwabungwa bityo bikazakura nta cyangiritse bikazatanga umusaruro byitezweho. VAAN Jordi uhagariye IUCN, mu gikorwa cyo gutera igiti KANTENGWA Mary, mu gikorwa cyo gutera igiti Uwase Hirwa Honorine, mu gikorwa cyo gutera igiti.
Fidele NIYISHOBORA
GATSIBO P.R.O