Mu Karere ka Gatsibo mu Murenge wa Ngarama hakorewe ubukangurambaga bwo kurwanya ibiyobyabwenge mu rubyiruko no kwimakaza isuku n’isukura. 

Ubu bukangurambaga bwakozwe bunyuze mu butumwa bw’indirimbo z’Umuhanzi Senderi Eric uzwi kw’izna rya ‘’Senderi International Hit’’ bwakorewe mu Murenge wa Ngarama ku wa Gatandatu taliki ya 25 Ukwakira 2025.

Umuyobozi w’Akarere wungirije ushinzwe imibereho myiza y’abaturage Mukamana Marceline yakanguriye urubyiruko rwo mu Murenge wa Ngarama kwirinda ibiyobyabwenge ahubwo rukimakaza ibikorwa bibateza imbere bikomotse ku mahirwe bahawe n’Igihugu.

Muri ubu bukangurambaga, abaturage bakanguriwe kurushaho kwimakaza umuco w’isuku n’isukura ku mubiri, aho batuye naho bakorera. Ubu bukangurambaga bwatangiwemo ubutumwa n’inzego zitandukanye zirimo: Akarere, Polisi y’Igihugu n’ubundi butumwa bwanyijijwe mu bihangano by’indirimo z’umuhanzi uzwi kw’izina rya Senderi Eric International hit.