Abayobozi bo mu nzego z’ibanze basobanuriwe amabwiriza ya Minisitiri nomero 011/07.01 yo kuwa 29/10/2024 agenga ibigo ngororamuco n'ibigo by'igororamuco by'ibanze.

Ni ubutumwa bwatangiwe mu nama yahuje Ubuyobozi bw’Akarere, intumwa y’ikigo ngororamuco/ NRS, abanyamabanga Nshingwabikorwa b’imirenge n’inzego z’Umutekano kuri uyu wa Kane taliki ya 18 Ukuboza 2025.

Iyi nama yari igamije gusuzuma imikorere y’ibigo ngororamuco n’ibisubizo bitanga ku kugorora abantu bagaragaweho amakosa.

Umuyobozi w’Akarere wungirije ushinzwe imibereho myiza y’abaturage Mukamana Marcel yasabye abayobozi b’inzego z’ibanze gukomeza gukangurira ababyeyi kwita ku bana babo kugirango bahawe uburere bukwiriye.

Mu Karere ka Gatsibo mu Murenge wa Ngarama hari ikigo ngororamuco kinyuzwamo urubyiruko rwagaragaweho imyitwarire mibi mu miryango cyangwa mu baturage , bakagororwa ndetse bigishwa imyuga itandukanye ishobora kubafasha kwiteza imbere mu gihe basubiye mu miryango yabo.