Kuri uyu wa Kabiri taliki ya 29 Mata 2025, Umuyobozi w’Akarere ka Gatsibo Gasana Richard arikumwe n’abagize inzego z’Umutekano yayoboye inama mpuzabikorwa yaguye y’igihembwe cya kane cya 2024/2025 ya gahunda yo gukemura ibibazo bibangamiye imibereho myiza y’abaturage.

Iyi nama yari igamije gusuzuma aho ishyirwa mu bikorwa ryo gukemura ibibazo bibangamiye imibereho myiza y’abaturage rigeze rishyirwa mu bikorwa, kugirango hagaragazwe imbogamizi zagaragaye no gufata ingamba zo kurushaho gukemura ibi bibazo.

Muri uyu mwaka w’ingengo y’imari wa 2024/2025, mu Karere ka Gatsibo hakozwe ibikorwa bitandukanye byo gukemura ibibazo byugarije imibereho myiza y’abaturage byatwaye ingengo y’imari isaga miriyoni 84 z’amafaranga y’uRwanda.

Mu rwego rwo gushyirahamwe imbaraga, Akarere ka Gatsibo gafatanya n’abafatanyabikorwa bako mu gikorwa cyo gukemura ibibazo byugarije imibereho myiza y’abaturage kubafasha kuzamura iterambere ry’imibereho myiza y’abaturage.