Abaturage bo mu Tugari twa Kintu na Nyagisozi two mu Murenge wa Kageyo basabwe kubungabunga ibikorwaremezo begerejwe mu rwego rwo kubafasha kwiteza imbere no kudakora ingendo ndende bajya gushaka serivise.

Ni ubutumwa bwatanzwe na Guverineri w’Intara y’Iburasirazuba Pudence Rubingisa arikumwe n’abagize inama y’umutekano itaguye y’Intara n’Ubuyobozi bw’Akarere, basabwe kubungabunga ibikorwaremezo birimo: Amazi, amashanyarazi n’imihanda bigenda bibegerezwa.

Bamwe mu baturage b’Akarere ka Gatsibo bavuga ko bashimira ubuyobozi bukomeje kubegereza bimwe mu bikorwaremezo by’ibanze bibafasha kwiteza imbere birimo: Amazi, amashanyarazi, imihanda n’amashuri. Bati: ‘’ Turashimira ubuyobozi bwacu ko bukomeje kutwegereza ibikorwaremezo bizamura iterambere ry’imibereho myiza yacu, kandi uruhare rwacu ni ukubirinda no kubibungabunga neza’’.