Hari hashize amezi 8 aborozi barakomorewe kwinjira mu kigo cya Gisirikare cya Gabiro giherereye mu Karere ka Gatsibo kwahira ubwatsi bw’amatungo kuko icyo gihe ubwatsi bwari ingume kubera igige cy’izuba cyari gihari.

Hari tariki 23 Ugushyingo 2024, ubwo Guverineri w’Intara y’Iburasirazuba Pudence Rubingisa arikumwe n’Ubuyobozi bw’Akarere n’Inzego z’Umutekano batangizaga igikorwa cyo kwahira mu Kigo cya Gisirikare cya Gabiro.

Kuva icyo gihe, abaturage bari bemerewe kwinjira mu Kigo cya Gisirikare cya Gabiro kwahira ubwatsi bw’amatungo ariko bitabangamije ibikorwa bya Girikikare bihakorerwa, ibi abaturage bagiye babirengaho ntibubahirize amabiriza bahawe n’Ubuyobozi.

Kubera imyitwarire inyuranyijwe n’amabwiriza bahawe, taliki ya 22 Nyakanga 2025 Abayobozi mu nzego zitandukanye babwiye abaturage ko kwijira mu Kigo cya Gisirikare cya Gabiro bibujijwe kubera ko aborozi batubahirijwe amabwiriza bahawe ariko bakarengaho bakabangamira ibikorwa by’umutekano bikorerwa mu Kigo cya Gisirikare cya Gabiro.

Umuyobozi w’Akarere ka Gatsibo Gasana Richard yabwiye abaturage bo mu Kagari ka Mununi mu Murenge wa Rwimbogo ko batemerewe kongera kwinjira mu Kigo cya Gisirikare cya Gabiro kuko batitwaye neza mu gihe bari bemerewe kwahiramo ubwatsi, ati: ‘’ Borozi, hari hasize amezi 8 mwemerewe kwahira ubwatsi bw’amatungo yanyu muri iki kigo, none ntimwubahirije amabwiriza mwahawe. Ubu rero kuva uyu munsi nta muntu numwe wemerewe kwinjira muri iki kigo kuko mwabangamije ibikorwa by’umutekano bihakorerwa’’.