Imiryango 20 yatujwe mu mudugudu w’iitegererezo wubatswe mu kagari ka Nyabikiri, Umurenge wa Kabarore basabwe gukomeza gufata neza ibikorwa remezo birimo amazu, amashuri, ivuriro, icyumba cy’inama (salle), isoko n’igikumba cy’inka byubatswe muri uwo mudugudu.

Ibi babisabwe n’Umuyobozi w’Akarere ka Gatsibo ubwo yifatanyaga nabo mu muganda usoza ukwezi kwa gatandatu 2018, wibanze mu kunoza isuku ahubatswe amazu mashya atandatu azatuzwamo imiryango 24.

Mu butumwa bwatanzwe n’umuyobozi w’Akarere,yasabye abaturage gukomeza gufata neza ibikorwa bamaze kugezwaho ndetse abasaba gukoresha umuhanda bahawe barinda abana babo kuwujyamo.

Abaturage b’Umurenge wa Kabarore n’Akarere muri rusange bakanguriwe kuzitabira ukwezi k’umuganda guteganyijwe mu kwezi kwa munani uyu mwaka.

Uyu muganda usoza ukwezi kwa gatandatu wakorewe mu mirenge 14 igize Akarere ka Gatsibo,ku rwego rw’Akarere ubera mu murenge wa kabarore mu kagari ka nyabikiri.

Inzego zitandukanye zirimo ubuyobozi bw’Akarere,iz’umutekano n’abaturage bitabiriye umuganda.