Umunsi mpuzamahanga w’Amakoperative wizihijwe kuri uyu wa gatandatu taliki ya 6 Nyakanga 2019 mu Karere ka Gatsibo ku rwego rw'Igihugu ubera mu Murenge wa Rugarama ufite insanganyamatsiko igiriti  Koperative Umuriro unoze

Umuyobozi w'Akarere ka Gatsibo  Gasana Richard yavuze ko amakoperative yazamuye iterambere n'imibereho myiza y'abaturage n'Akarere muri rusange aho usanga abanyamuryango ba koperative biyishyurira ubwisungane mu kwivuza ku gihe ndetse bagakora n’imishinga ibateza imbere.

Akarere ka Gatsibo Gatsibo gafite amakoperative afite ubuzima gatozi butanga n'ikigo cy'Igihugu cy'amakoperative(RCA) agera ku 252 afite abanyamuryango ibihumbi 21,255.

Umuyobozi Mukuru wa RCA Prof.Harerimana Jean Bosco yashimiye amakoperative yiteje imbere akaba amaze gukora ibikorwa bifatika by'ishoramari mu Karere

Guverineri w'Intara y'Iburasirazuba Mufulukye Fred wari n’umushyitsi mukuru kuri uyu munsi yasabye amakoperative gukomeza gushora imari mu mishinga itandukanye izamura imibereho myiza n’iterambere ry'abanyamuryango bayo makoperative

 Corpriz Ntende,ihinga umuceri yo mu Murenge wa Rugarama niyo yabaye indashyikirwa ku rwego rw'Igihugu nka koperative imaze kugira ibikorwa binini kandi bifatika birimo ihoteri y’inyenyeri ebyiri,umushinga w’inkoko n’bindi.

Ikigo cy’Igihugu cy’amakoperative kivuga ko ku rwego rw'Igihugu hari amakoperative ibihumbi 9,706 afite abanyamuryango Miriyoni 5,280,000.