Bamwe mu banyamabanga Nshingwabikorwa b’Imirenge igize Akarere ka Gatsibo bahinduriwe Imirengei bakoreragamo bahabwa amashya.

Abanyamabanga Nshingwabikorwa bahinduriwe aho gukorera barimo: Mukayiranga Gisagara Edith wayoboraga Umurenge wa Rugarama ubu yahawe uwa Kiramuruzi, Yankurije Vestine yayoboraga Umurenge wa Kiramuruzi yahinduriwe mu Murenge wa Gasange, Furaha Frank wayoboraga Umurenge wa Gasange agiye kuyobora Umurenge wa Gitoki.

Mu bandi banyamabanga Nshingwabikorwa b’Imirenge bahinduriwe aho gukorera barimo: Kanamugire Innocent wayoboraga Umurenge wa Kiziguro akaba yimuriwe mu Murenge wa Gatsibo, Mutabazi Geofrey yimuriwe mu Murenge wa Kageyo avuye mu Murenge wa Gatsibo, Muhizi Toussaint wayoboraga Umurenge wa Nyagihanga yimuriwe mu Murenge wa Rugarama, Rwakana Karamuka John wayoboraga Umurenge wa Kageyo yimuriwe mu Murenge wa Nyagihanga.

Hari Imirenge yagumanye abanyamabanga Nshingwabikorwa bayiyoboraga harimo: Umurenge wa Rwimbogo uyoborwa na Musonera Emmanuel, Umurenge wa Murambi uyoborwa na Ndayisenga Jean Claude, Urujeni Consolee uyobora Umurenge wa Remera, Umurenge wa Ngarama uyoborwa na Niyonziza Felecien, Rugaravu Jean Claude uyobora Umurenge wa Kabarore ndetse n’Umurenge wa Muhura ufite Umunyamabanga Nshingwabikorwa w’Agateganyo Orora Jackson.

Mu zindi mpinduka zabaye, Umurenge wa Kiziguro wahawe Mudakengerwa Antoine nk’Umunyamabanga Nshingwabikorwa w’Umurenge yarasanzwe ari Umuyobozi w’ibiro by’Inama Njyanama y’Akarere.