Amatsinda 7 agizwe n'Ubuyobozi bw'Akarere,Inama Njyanama y'Akarere, abafatanyabikorwa (JADF), inzego z'Umutekano n'abakozi b'Akarere azajya akurikirana imihigo y’Akarere igera ku 108 hagatangwa raporo buri cyumweru.

Uyu mwanzuro wafatiwe mu nama yateranye kuri uyu wa mbere taliki ya 30 Ukuboza 2019 iyobowe n’Umuyobozi w’Akarere igamije kurebera hamwe uko imihigo 2019/2020 irimo kweswa ndetse ikazajya ikurikiranwa umunsi ku wundi.

Akarere ka Gatsibo kahize imihigo 108 irimo 30 y'ubukungu,59 y'imibereho myiza na 19 y'imiyoborere myiza n'ubutabera

Muri iyi nama kandi haganiriwe ingamba zo kurandura burundu ibibazo bibangamiye imibereho myiza y’abaturage (HIS),ikoreshwa ry'ingengo y'imari 2019/2020,itangwa ry'amasoko ya Leta 2019/2020

Umuyobozi w'Akarere ka Gatsibo yasabye inzego zitandukanye gushyira imbaraga mu kwesa imihigo mu gihe cy'amezi atandatu(6) asigaye kugirango umwaka w'ingengo y'imari ya 2019/2020 irangire.

Iyi nama yitabiriwe n’abagize Komite Nyobozi y'Akarere,abagize Inama Njyanama y'Akarere, abanyamabanga Nshingwabikorwa b'Imirenge, abafatanyabikorwa b'Akarere (JADF), abayobozi b'amashami ku rwego rw'Akarere n’urwego rwa Dasso.