Abikorera bo mu Karere ka Gatsibo hirya no hino mu mirenge 14 igize aka karere beretswe amahirwe ari mu Karere bashobora gushoramo imari.

Iki ni igikorwa cyahurije hamwe ubuyobozi bw’Akarere ka Gatsibo n’abagize urwego rw’abikorera mu Karere kugirango hagaragazwe amahirwe ari mu karere abikorera bashobora bushoramo imari.

Ubu butumwa bwatanzwe kuri uyu wa Gatanu taliki ya 20 Mutarama 2023 n’Umuyobozi w’Akarere ka Gatsibo Gasana Richard arikumwe n’izindi nzego z’ubuyoboziubwo bahuriraga mu cyumba cya Ntende hotel mu murenge wa Rugarama.

Amwe mu mahirwe yagaragarijwe abikorera ariko gushora imari mu buhinzi n’ubworozi, ubukorikori, imyidagaduro, kubaka ibikorwaremezo birimo inganda n’amarimbi rusange byose bikenerwa n’abaturage.

Imwe mu mishanga abikorera b’akarere ka Gatsibo bamaze gukora irimo kubaka ikigo abagenzi bategeramo imodoka (Gare) giherereye mu murenge wa Kabarore mu mujyi rwagati.Iyi gare imaze kuzana impinduka nziza mu iterambere ry’Akarere ka Gatsibo.

Abikorera bo mu Karere ka Gatsibo bahawe uruganda rutunganya umusaruro w’ibigori ruherereye mu murenge wa Rugarama kugirango barubyaze umusaruro,uru ruganda rwubatswe n’Akarere ruhabwa abikorera.

Rugwizangoga Elysee, Umuyobozi w’abikorera mu Karere ka Gatsibo yavuze ko amahirwe beretswe n’ubuyobozi bw’Akarere bagiye kuyabyaza umusaruro nk’abikorera, ati’’ Nk’abikorera dusanzwe dufatanya n’Akarere mu guteza imbere abaturage bacu ,aya mahirwe tweretswe nk’abikorera tugiye kuyabyaza umusaruro dushoramo imari nkuko dusanzwe tubigenza ku mishanga dufite muri aka karere’’.

Gasana Richard, Umuyobozi w’Akarere ka Gatsibo yavuze abikorera ari inking ya mwamba muri aka Karere kuko hari byinshi bakora biteza imbere abaturage.Ati ‘’ Abikorera bubatswe ikigo bagenzi bategeramo imodoka kiri mu murenge wa Kabarore aho uruhare rwa leta rwari ukugura ubutaka bwubatseho icyo kigo none ubu badusabye ko basubiza leta amafaranga yashoyemo agera kuri miriyoni 75 z’amafaranga y’uRwanda kandi twarabyemeye.