Abaturage b’Akagari ka Ndatemwa Umurenge wa Kiziguro baravuga ko bashimishijwe nuko Ubuyobozi bw’Akarere ka Gatsibo bwabashumbushije ihene zabo zapfuye nyuma y’uko zitewe urukingo nk’uko bamwe mu baturage babivuga.

Ku gicamunsi cyo kuri uyu wa gatatu taliki ya 18 Nzeri 2019,Akarere ka Gatsibo kashumbushije abaturage bo mu Kagari ka Ndatemwa Umurenge wa Kiziguro baherutse gupfusha ihene nyuma y'uko zihawe urukingo.Ihene zahawe abaturage zigera kuri 22 zihwanye nizari zapfuye

Umuyobozi w'Akarere ka Gatsibo wungirije ushinzwe iterambere ry'Ubukungu Manzi Theogene yashimye abaturage bapfushije ihene zabo ntibaceceke ahubwo bakageza ikibazo bahuye nacyo ku buyobozi bw'Akarere

Uwambaye Goreti,utuye mu Kagari ka Ndatemwa Umurenge wa Kiziguro uri mu baturage bapfushije ihene yashimye Leta ko yabashumbushije kubera ikibazo bahuye nacyo cyo gupfusha ihene, iki kikaba ari ikimenyetso cy'imiyoborere myiza.

Ihene 22 zashumbushijwe abaturage zifite agaciro k'ibihumbi 660 by'amafaranga y'uRwanda

Mu butumwa bwahawe abaturage nyuma yo gushumbushwa, Umuyobozi w'Inkeragutabara mu Karere ka Gatsibo Major Agaba yasabye abaturage kutararana n'anatungo ahubwo akubakirwa ibikumba byabugenewe.

Muri iki gikorwa cyo gushumbusha abaturage cyitabiriwe n’inzego zitandukanye zirimo Ubuyobozi bw'Akarere,inzego z'Umutekano,Ikigo cy’igihugu cy’ubuhinzi n’ubworozi(RAB),Umufatanyabikorwa (WOPU) n’Itangazamakuru.