Inzego zitandukanye zirimo iz'Ubuyobozi ,Abaturage b'Akarere ka Gatsibo n'inshuti zabo bafite ababo 16 bishwe bakekwa ko ari ibyitso by'inkotanyi bashyinguye mu cyubahiro mu rwibutso rwa Gisuna ruherereye mu Karere ka Gicumbi bibutswe uyu munsi taliki ya 8 Mata 2019.

Itsinda ry’abanyagatsibo n’inshuti zabo bibutse ababo biciwe i Byumba mu gihe cy Jenoside yakorewe abatutsi mu Rwanda bari bayobowe n’Umuyobozi w’Akarere ka Gatsibo

Abishwe bose uko ari 16 bashyirwaga ku rutonde rw’ibyitso by’inkotanyi n’uwari burugumesitiri wa komine murambi Gatete Jean Baptiste akaba ari nawe wabohereje mu cyahoze ari prefecture ya Byumba yakicwa

Prezida wa ibuka mu Karere ka Gatsibo Sibomana Rwema JeanNnepo yashimye ingabo z’inkotanyi zarokoye abatutsi ndetse bakabohora n’Igihugu cyari gifite ubuyobozi bubi butakundaga abaturage bari bashinzwe kuyobora no kubarinda icyabahungabanya cyose.

Abacitse ku icumu rya Jenoside yakorewe abatutsi bo mu karere ka Gatsibo  barasaba ko abagize uruhare muri Jenoside bakidegenbya mu muhanga bashyikirizwa ubutabera kugirango bahanwe kubera ibyo bakoze

Umuyobozi w’Akarere ka Gatsibo Gasana Richard yihanganishije abafite ababo biciwe i Byumba bitwa ibyitso by’inkotanyi kandi ari inzirakarengane,avuga ko itegurwa n’ishyirwa mubikorwa rya Jenoside yakorewe abatutsi byakozwe n’ubuyobozi bwariho icyo gihe.

Mu rwego rwo gufata mu mugongo abacitse ku icumu rya Jenoside yakorewe abatutsi mu Rwanda,Ubuyobozi bw’Akarere ka Gicumbi mu ntara y’amajyaruguru bwasabye ubwa Gatsibo gutoranya umuryango umwe mu ifite ababo biciwe ibyumba utishoboye ahabwe inka yo kuhuha amata yo kunywa.