Mu nama yahuje ubuyobozi bw’Akarere ka Gatsibo,komite y’inama y’igihugu y’urubyiruko ku rwego rw’Akarere(NYC),komite y’urubyiruko rw’abakorerabushake,abakozi bashinzwe uburezi ku rwego rw’umurenge n’abashinzwe isuku n’isukura basabwe ubufatanye bwo kurandura burundu ibibazo birimo abana bata ishuri,igwingira ry’abana,imitangire mibi ya serivise n’ibindi.

Ibi byasabwe n’Umuyobozi w’Akarere ka Gatsibo Gasana Richard kuri uyu wa kabiri taliki ya 26 werurwe 2019

Iyi nama yari igamije gutanga umurongo w’uburyo ibibazo bibangamiye imibereho myiza y’abaturage byakemurwa vuba na bwangu kubufatanye n’inzego zitandukanye zirimo n’izo urubyiruko.

Nzaganwa Dodos, Umuhuzabikorwa w’urubyiruko rw’abakorerabushake mu Karere ka Gatsibo yavuze ko ibibazo birimo abana bata ishuri, ikibazo cy’igwingira ry’abana n’isuku nke mu miryango bigiye gukurikiranwa n’urubyiruko bikarandurwa bitarenze ukwezi kwa gatandatu 2019.

Akarere ka Gatsibo gafite urubyiruko rw’abakorerabushake bagera ku bihumbi 6,582 bagiye gukurikirana ibibazo bibangamiye imibereho myiza y’abaturage bikazaba amateka muri aka Karere.

Abari mu nama biyemeje kuba imbarutso y’iterambere n’imibereho myiza y’abaturage bakurikirana ibibazo bishobora kubangamira imibereho myiza y’umuturage.