Ubwo hizihizwaga umunsi mpuzamahanga w’umugore wo mucyaro,abagore bo mu murenge wa murambi Akarere ka Gatsibo bavuze ko bamaze gutera imbere binyuze mu kwishakamo ibisubizo by’ibibazo bahura nabyo babinyujije mu kwishyirahamwe bagakora ibikorwa bitandukanye bibateza imbere

Ibi byavuzwe ku gicamunsi cyo kuri uyu wa Kabiri taliki ya 15 Ukwakira 2019,mu nteko z'abaturage mu Mirenge 14 igize Akarere ka Gatsibo hiziririjwe umunsi mpuzamahanga w'umugore wo mucyaro aho ku rwego rw'Akarere wizihirijwe mu Murenge wa Murambi Akagari ka Rwimitereri mu Mudugudu wa Rugarama

Ubutumwa bwatanzwe n'Umuyobozi w'Akarere ka Gatsibo,Gasana Richard burimo ubukangurambaga ku miyoborere n'imibereho myiza  ku muryango, Gukomeza ukwezi ko kwita kuri gahunda y'Ubumwe n'Ubwiyunge,Umunsi mpuzamahanga wahariwe umugore wo mucyaro,icyumweru cyahariwe ubuzima bw'umwana n'umubyeyi n’Umutekano

Mu rwego rwo kwizihiza umunsi mpuzamahanga w'umugore wo mucyaro,abagore bavuze ko bazakomeza guhangana n'ibibazo bibangamiye imibereho myiza y'abaturage (HSI)

Mu bindi,abagore bamuritse ibikorwa bakora kandi bimaze kubateza imbere birimo gukora isabune,amavuta n'ibikapu