Abagize irondo rw'Umwuga bagera kuri 82 bo mu Murenge wa Kabarore mu Karere ka Gatsibo bashyikirijwe ibikoresho by'akazi k'umutekano birimo impuzankano, inkweto (bote),itoroshi na telephone y'akazi ku bayobozi babo.

Ibi bikoresho byahawe abagize irondo ry’umwuga kugirango bibafashe kunoza akazi kabo ka buri munsi ko gucunga umutekano w’abaturage n’ibyabo mu gihe cya ninjoro.

CIP JB Bucyangenda, Umuyobozi wa Polisi mu Karere ka Gatsibo yasabye abagize irondo ry'Umwuga gukora kinyamwuga,gutanga amakuru no gufatanya n'inzego z'Umutekano mu kurinda abaturage n'ibyabo.

Umunyamabanga Nshingwabikorwa w’Umurenge wa Kabarore Urujeni Consolee yavuze ko Ibikoresho by’umutekano byahawe abagize irondo ry'Umwuga byaguzwe n'Umurenge wa Kabarore kubufatanye n'abaturage.

Abagize irondo ry’umwuga bagira uruhare rwo kurinda umutekano w’abaturage n’ibyabo mu gihe cy’ijoro,ibi bikorwa bikorerwa muri santeri z’ubucuruzi no mu midugudu.